www.ganob alwady.com

مندى جنوب الوادى


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الـــــــــــــــــــرد على الاقزام

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 الـــــــــــــــــــرد على الاقزام في الخميس مايو 05, 2011 2:55 pm

امتدادا لما حققته ثورة التحرير من انجازات اراد الشباب (حجازه كوم امبو )ان يجتمع تحت كلمة واحده فقوبلت تجمعاتهم بالفتنه لتفكيك شملهم وعودتهم من جديد الى حياة السلبيه واللامبالاه باختصار( الكبار عايزينها تفضل كده )
عايزين الناس تنام عشان تجاوزاتهم ما تتكشفش وللاسف اكثر الحرب ضراوة كانت مع اشباه المثقفين ممن يريدون التقرب من النظام لجهلهم بأن الثوره اطاحت بكل النظام فقمت بنظم هذه القصيده ربما تجدون فيها تدنى بمستوى الكلمات ولكنها سطرت من اجل ان تدنو الى اقل المستويات



الرد على الاقـــــــــــــــــــــــــــــزام ..!
زى ما احنا
لسه مابعدناش كتير عن النظام
لسه بنألف فتن ..
لسه بنزيف حقيقة ..
لسه بنعربد كلام
زى ماهو النظام زى ماهو النظام
لسه بترن ف ودانى كلمته
حاضر نعم طيب تمام
لسه موجود النظام
لسه عايش جوه منينا النظام
لسه بِنام ف النظام لسه نتغطى نظام
لسه بروح الصبح شغلي بالنظام
حتى لمّا اقعد في بيتي والمدام
برضه يحكمنا النظام
خايفه منى أو عليَّ ودموعها نزلت بالتزام
إحنا ف بلدنا لسه عايشين فى النظام
همَّ همَّ .. زى ما همَّ
قبل الثورة بعد الثورة همَّ أزناب النظام
إللي يكدب واللي يفتن واللي حارب في الظلام
واللي ماشى في إيده سبحه يوعظ ويفتى للطعام
واللى كافح واللى ناضل لاجل ما يرضى العظام
يعنى إيه كان حلمنا .. إننا نبقى ائتلاف؟!
يعنى إيه الكل خاف ؟!
دا انتوا بكره هتلاقونا ولسه جايه شهور عجاف
لما بنلم القبايل اللى سامع واللى شاف
لما نوقف قبل منكم زينا زى الخراف
يعنى إيه كل يوم نسمع إشاعه ؟!
طب وليه فِكرنا أصبح قضيه ؟!
إللى يقول فاضيين واللى يقول تمويل
وأجنده خارجيه
واللى يشوفوه قاعد مع حد متسيس
تحكم عليه أقزام مجموعه سياسيه
شوفوا اللى بيخرب واللى الخراب همه
شاف الولد قاعد وصلاح مع عمه
شرب ياخويا الشاى ماهو ميه فى دمه
وقعد مع المجلس ويرش فى سمه
تأليف مع تزييف ..والشيشة منصوبة
وصاحبنا دمه خفيف وبينشع رطوبة
ومهرجين تضحك..
ومهرجين ترفس .. والقرد يتنطط
أما اللي يتفرج ف القعدة يتغوط
يعرف بثورتنا على أرضنا بتُحبط
ويشوف بعينه نظام ماشى بيتحرك
مش قصدى ريس أو وزير
مش قصدى عمده أو غفير
بس برضه الثوره مش كانت منام
الثوره كانت نفسنا ..
الثوره كانت حلمنا ..
الثوره كانت للسلام
الثوره كانت للشهيد اللى بدماه شق الغمام
اللى حلمه كان غطا لما ع الاسفلت نام
لما دافع .. لما قاوم بلطجية النظام
يبقى لازم مننا يمشى النظام
لازم نغير فكرنا .. لازم نحرر نفسنا
مش بس حرية كلام
مش بس أبقى باعترض .. على فكره كانت والسلام
إزاى نجحنا ؟! إزاى بهرنا ؟!
واحنا جوانا النظام
يوم أن ثار الشباب ... وقف الكون ليتعلم
ألهمنا أمريكا العظمى ... وبقايا رجال لم تُلهم
بيدىَّ كسرت قيودي ... والقزم الأسمر لم يفهم
قد صار الأقزام نظاما ... من بعد الثورة يتكلم
ينسج حكاياتٍ يرويها ... ورئيس ديوانه يتعظم
ينشر أقذاراً من فمه ... ورفاقه جهلاً لم تفطم
يبتكر اكاذيباً شتى ... يرويها قومٌ لم تفهم
قد سُطرت فى بيتٍ يجمع ... جرزانٌ ثكلى لا تعلم
بأن زمانً قد ولى ... وزمانٌ قادم لن يرحم
لن يسمح ابداً لكلابٍ ... تغزو الاجساد لكى تحكم !!!

معاينة صفحة البيانات الشخصي للعضو

2 رسالة شكر من الادارة في الخميس مايو 05, 2011 10:34 pm

Admin

avatar
Admin
مشكور العضو محمد الديب غلى هذه المساهمة الجميلة

معاينة صفحة البيانات الشخصي للعضو http://algnob.halamuntada.com

3 رد في الجمعة مايو 27, 2011 11:00 am

مشكوووووووووووووور

معاينة صفحة البيانات الشخصي للعضو

4 رد في الجمعة مايو 27, 2011 11:03 am

موضوع جميل

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى